Zabrat qəsəbəsində boru partladı, ərazini su basdı

Sabunçu rayonunun Zabrat qəsəbəsində su borusunun partlaması ərazidə yaşayan sakinlərin həyat şəraitini çətinləşdirib.

BAKU.WS Oxu.az-a istinadən xəbər verir ki, su küçəyə axır, ətraf ərazilərdə gölməçələr yaradır.

Həmçinin stansiya ərazisinə və dəmiryolu xətlərinin altına su dolduğu bildirilir.

Sakinlər problemin qısa müddətdə aradan qaldırılmasını və aidiyyəti qurumların tədbir görməsini tələb edirlər.