Toyda dava düşdü, bəy TUTULDU

Rusiyanın paytaxtı Moskvada keçirilən toy mərasimi kütləvi dava ilə başa çatıb.

BAKU.WS xəbər verir ki, hadisə Lyublino rayonundakı restoranlardan birində baş verib.

Məlumata görə, gecə saatlarında 20-dən çox şəxsin iştirak etdiyi dava başlayıb. Hadisə yerinə polis əməkdaşları cəlb olunub və ümumilikdə 24 nəfər, o cümlədən bəy və gəlin saxlanılıb.

Məhkəmə zamanı iştirakçılar davanın baş vermədiyini iddia etsələr də, saxlanılanlardan biri tapançadan atəş açdığını etiraf edib. Həmin şəxs 14 sutka inzibati həbs cəzası alıb.

Davada iştirak edən digər şəxslərin əksəriyyəti 10 sutka müddətinə həbs edilib. Gəlin də daxil olmaqla dörd nəfər isə cərimələnib.