"Şikayətimizi eşidən yoxdur, zülm çəkirik" - Nərimanovdan ŞİKAYƏT

Nərimanovda tikinti işləri sakinlərin narazılığına səbəb olub.

BAKU.WS-in "qaynar xətt"inə Nərimanov rayonu, Ağaneymətulla küçəsi 79 ünvanında yaşayan sakinlərdən şikayət daxil olub.

Sakinlər bildirirlər ki, "Monaliza" restoranının yaxınlığında aparılan tikinti işləri ərazidə ciddi narahatlıq yaradıb. Vətəndaşlar gecə səs-küydən yata bilmirlər. Onların sözlərinə görə, tikinti səbəbindən ərazidə toz-torpaq çoxalıb, yağışlı havalarda isə küçələr palçığa çevrilir.

"Şikayətimizi eşidən yoxdur. Toz-torpaqdan, yağışda palçıqdan zülm çəkirik", – deyə sakinlər bildiriblər.

Vətəndaşlar aidiyyəti qurumlardan ərazidəki vəziyyətin araşdırılmasını və problemin aradan qaldırılmasını xahiş edirlər.

Şahanə Xankişiyeva