Rəşad Nəbiyev: Onların göstərdiyi qəhrəmanlıq Azərbaycan aviasiya tarixində silinməz iz buraxıb

Azərbaycanın hava yolları təhlükəsizlik və keyfiyyət standartlarına görə dünya miqyasında etibarlı hava yollarından biri kimi tanınır.

BAKU.WS "Report"a istinadən xəbər verir ki, bunu rəqəmsal inkişaf və nəqliyyat naziri Rəşad Nəbiyev Heydər Əliyev Beynəlxalq Aeroportunda Bakı-Qroznı reysini yerinə yetirən "Embraer-190" tipli sərnişin təyyarəsinin qəzaya uğraması nəticəsində həlak olan ekipaj üzvləri ilə vida mərasimində bildirib.

"Xüsusilə, təcrübəli pilotların peşəkarlığı və sücayəti bu sahədə böyük əhəmiyyət kəsb edir. Onların çətin anlarda göstərdiyi qəhrəmanlıq Azərbaycan aviasiya tarixində silinməz iz buraxıb", - nazir bildirib.