Ölkəyə 3 min avroluq 13 pişik gətirən şəxs gömrükdə yaxalandı

Türkiyədə gömrükdən 13 pişik keçirmək istəyən şəxs saxlanılıb.

BAKU.WS-in məlumatına görə, qaçaqmalçılıq yolu ilə bala pişikləri ölkəyə keçirmək istəyən şəxs heyvanları mağazalara satmağı planlaşdırırmış. Aşkarlanan pişiklərdən 3-ü yolda gətirilərkən tələf olub. Qalan 10 pişiyin isə tender üsulu satılması qərarlaşdırılıb.

Bu pişiklərin 6-sı İran, 4-ü ingilis mələzi olduğu açıqlanıb. Gömrükdə əl qoyulan pişiklərin bazar qiymətinin 3 min avroya qədər çatdığı ifadə edilib. Türkiyədə 20 oktyabr tarixində tenderdə 10 bala pişik 7 min 80 lirədən satışa çıxarılacaq. 

BAKU.WS