"Azərişıq" abonentlərə xəbərdarlıq edib

Elektrik enerjisindən istifadə ilə bağlı yaranmış borca görə enerji təchizatı dayandırılmış abonentlərin “Borc ödənilmədən şəbəkəyə özbaşına qoşulma”sı elektrik enerjisinin talanması və elektrik enerjisindən qanunsuz istifadə sayıldığından, belə hallara yol vermiş şəxslərə qarşı qanunvericiliyə uyğun “Azərişıq” ASC tərəfindən ciddi tədbirlər görüləcək. Bunu "Report"a qurumun mətbuat xidmətinin rəhbəri Tanrıverdi Mustafayev deyib.T.Mustafayevin sözlərinə görə, yaranmış borc ödənildikdən sonra istehlakçının elektrik enerjisi təchizatı yalnız “Azərişığ"ın əməkdaşları tərəfindən şəbəkəyə qoşularaq bərpa oluna bilər.Qeyd edək ki, “Azərişığ”ın fəaliyəti dövründə debitor borcu yaranmış abonentlərin elektrik enerjisi təchizatı 24 oktyabr 2017-ci il tarixindən etibarən müvafiq qanunvericliyə uyğun olaraq fərdi qaydada dayandırılır.BAKU.WS