Azərbaycan neftinin qiyməti enib

Dünya bazarlarında "Azeri Light" markalı neftin bir barelinin qiyməti 0,5 dollar və ya 0,68% azalaraq 72,85 ABŞ dollarına düşüb.

Ceyhan limanında isə bu marka neftin FOB bazasında qiyməti 71,53 dollar təşkil edib ki, bu da 0,48 dollar və ya 0,67% azalma deməkdir.

Müqayisə üçün, Azərbaycanın 2025-ci il dövlət büdcəsində bir barel neftin orta qiyməti 70 dollar olaraq götürülüb.

Qeyd edək ki, "Azeri Light"ın ən ucuz satıldığı vaxt 2020-ci ilin aprelində (15,81 dollar), ən yüksək qiyməti isə 2008-ci ilin iyulunda (149,66 dollar) qeydə alınıb. Bu neft əsasən "Azəri-Çıraq-Günəşli" yataqlar blokundan hasil olunur və SOCAR burada 31,65% paya sahibdir.