Stiv Cobsun uğurunda MKİ-nin payı olub - ŞOK İDDİA

ABŞ Mərkəzi Kəşfiyyat İdarəsinin (MKİ) 1980-ci illərdə Stiv Cobsun şirkəti NeXT-dən 20 min kompüter alması onun biznesinin inkişafında mühüm rol oynayıb.

BAKU.WS xəbər verir ki, bu barədə "The Wall Street Journal" (WSJ) nəşri yazıb.

Məlumata görə, Cobs 1985-ci ildə Apple-dan ayrıldıqdan sonra NeXT şirkətini yaradıb. Lakin bahalı kompüterlərə tələbat gözlənilən səviyyədə olmayıb. Elə həmin il MKİ NeXT-dən böyük həcmdə kompüter sifariş edib.

Sifarişin qısa müddətdə hazırlanması üçün ABŞ-nin digər texnologiya şirkətlərindən mütəxəssislər cəlb olunub və istehsal gücü artırılıb. NeXT kompüterlərinin ABŞ-nin kəşfiyyat strukturlarının ehtiyacları üçün istifadə edildiyi, daha sonra isə bəzi texniki komponentlərlə təkmilləşdirildiyi bildirilir.

Bu böyük müqavilənin NeXT-in ayaqda qalmasına və inkişafına ciddi töhfə verdiyi qeyd olunur. Sonradan şirkətin texnologiyaları Apple-a inteqrasiya edilib, NeXT-in əməliyyat sistemi isə Apple kompüterlərinin gələcək proqram təminatının əsasını təşkil edib.

Beləliklə, Cobsun Apple-a qayıdaraq şirkətə yenidən rəhbərlik etməsinə aparan yolda MKİ ilə bağlanan bu müqavilənin də mühüm rol oynadığı iddia edilir.