Rusların neçə faizi Putinə inanır? - AÇIQLANDI

Rusiyalıların Vladimir Putinin Rusiya prezidenti kimi fəaliyyətinə müsbət qiymət vermə səviyyəsi həftə ərzində 1 faiz artaraq 83 faiz təşkil edib.

BAKU.WS xəbər verir ki, Rusiya dövlət başçısının yenilənmiş reytinqi İctimai Rəy Fondunun (FOM) saytında dərc olunub.

Rusiyalıların 7 faizi dövlət başçısının işinə mənfi münasibət bildirib, digər 10 faizi isə qərarsız qalıb. Bundan əlavə, respondentlərin 82 faizi Putinə inamla bağlı suala müsbət cavab verib. Respondentlərin 9 faizi ona inanmır, eyni faiz isə qərarsızdır.

FOM qeyd edib ki, sorğu martın 28-dən 30-dək Rusiyanın 51 regionunun 97 yaşayış məntəqəsində aparılıb. Burada yaşı 18-dən yuxarı olan 1,5 min nəfər iştirak edib. Əldə edilən məlumatların statistik xətası 3,6 faizi ötmür.