Roberto Karlos müsəlman oldu?

Dünya futbolunun və "Real Madrid"in, "Fənərbağça"nın əfsanəvi keçmiş ulduzu Roberto Karlosun İslam dinini qəbul etdiyi bildirilib.

BAKU.WS xəbər verir ki, bu barədə Türkiyə ​AK Partiyanın Qaziantep millət vəkili Əli Şahin məlumat yayıb.

O San-Pauluda Braziliya İslam Hüquqşünasları Assosiasiyasının (ANAJI) vitse-prezidenti və dini məsləhətçisi Şeyx Cihad Hammadə ilə bir araya gəlib.

​Şeyx Cihad Hammadə xəbər verib ki, Roberto Karlos uzun müddətdir onunla təmasda olub və təxminən dörd həftə əvvəl şəxsən ziyarət edərək "Kəlmeyi-Şəhadət" gətirib və İslamı seçib.

​Roberto Karlosun daha əvvəl mərakeşəsilli ispan iş qadını Süheyla Tahiri ilə ailə qurduğu məlumdur. Məsələ ilə bağlı hələlik Roberto Karlosun özündən və ya ailəsindən heç bir rəsmi açıqlama verilməyib.

Qalereya