Qəzza xəstəxanalarında ağrıkəsicilər tükənib

Qəzza zolağındakı xəstəxanalarda ağrıkəsici preparatlar tamamilə tükənib.

BAKU.WS xəbər verir ki, bu barədə "əl-Cəzirə" telekanalı məlumat yayıb.

Bildirilir ki, bu səbəbdən həkimlər yaralılara tibbi yardım göstərə və müalicə prosesini davam etdirə bilmirlər.

Mart ayının sonunda İsrailin humanitar yardımların Qəzzaya çatdırılmasını bloklamaq qərarı səbəbindən Fələstin əhalisi aclıqla üzləşib. Qəzza hökumətinin mətbuat xidmətinin nümayəndəsi İsmayıl Əl-Tavabt bildirib ki, artıq bir aydır ki, ərzaq və vacib ləvazimatlar Fələstin anklavına daxil olmur.