Qazaxıstanın Nəqliyyat Nazirliyi AZAL-ın qəzaya uğrayan təyyarəsi ilə bağlı yeni açıqlama yayıb

AZAL-a aid təyyarənin Aktau yaxınlığında baş verən aviaqəzasını araşdıran Qazaxıstan Nəqliyyat Nazirliyinin nəzdində yaradılmış komissiya insidentin səbəblərini müəyyən edənə qədər internetdəki məlumatları şərh etməyəcək.

BAKU.WS xarici KİV-ə istinadən xəbər verir ki, ilkin hesabat respublika qanunvericiliyinin tələblərinə və ICAO-nun 13 saylı əlavəsinə uyğun olaraq dərc olunacaq.

"İlkin hesabat dərc olunana qədər komissiya heç bir rəsmi mənbəyə malik olmayan internet məlumatlarını şərh etməyəcək", -deyə bəyanatda qeyd olunub.

Xatırladaq ki, AZAL-a məxsus Bakı-Qroznı aviareysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Təyyarənin göyərtəsindəki 67 nəfərdən 38-i həlak olub, 29-u sağ qalıb.