İsrail və ABŞ Bağdadın cənubunu vurdu

İsrail və ABŞ-nin Bağdadın cənubuna raket zərbəsi endirdiyi bildirilir.

BAKU.WS "Əl-Cəzirə"yə istinadən xəbər verir ki, hücum "Hizbullah"a məxsus obyektləri hədəf alıb. Zərbələrin Bağdadın cənubunda yerləşən Cürf əs-Səxr bölgəsində həyata keçirildiyi qeyd olunur.

Məlumata əsasən, hücum nəticəsində nəqliyyat vasitələri, müxtəlif obyektlər və anbarlarda ciddi maddi ziyan yaranıb, yanğınlar baş verib. İlkin məlumatlara görə, hadisə zamanı ölən və ya yaralanan olmayıb.