İranla müharibə Dubay və Əbu-Dabi fond bazarlarından 120 milyard dollar silib

ABŞ və İsrailin İrana qarşı başladığı müharibədən sonra Dubay və Əbu-Dabinin fond bazarları təxminən 120 milyard dollar dəyər itirib və bu, onları dünyada ən çox zərər görən maliyyə bazarları sırasına daxil edib.

BAKU.WS xarici mətbuata istinadən xəbər verir ki, Dubay və Əbu-Dabinin əsas indeksləri 28 fevraldan - ABŞ və İsrailin İrana qarşı hərbi əməliyyatlara başladığı tarixdən bəri müvafiq olaraq təxminən 16% və 9% enib.

"Dubai Financial Market" (DFM) Ümumi İndeksi bazar kapitallaşmasında təxminən 45 milyard dollar itirib, daha böyük olan Abu Dhabi Securities Exchange (ADX) Ümumi İndeksi isə təxminən 75 milyard dollar azalma göstərib.