Hüseyn Həsənov nə üçün axtarışa verilib? - DETALLAR üzə çıxdı

Çirkli pulların yuyulmasında qiyabi ittiham olunan azərbaycanəsilli rusiyalı blogger Hüseyn Həsənov bu ilin fevral ayının sonunda Rusiyanı tərk edib.

BAKU.WS xəbər verir ki, "RİA Novosti" bu barədə hüquq-mühafizə orqanlarındakı mənbəyə istinadən yazıb.

Agentliyin məlumatına görə, məhz bu səbəbdən Daxili İşlər İdarəsinin Cinayət Axtarış İdarəsi onu beynəlxalq axtarışa verib.

Həsənovla bağlı müvafiq qərar mayın 14-də çıxarılıb. KİV-in məlumatına görə, qiyabi həbs qətimkan tədbirindən artıq apellyasiya şikayəti verilib.

Müstəntiqlərin fikrincə, 2019-2021-ci illərdə o, 170 milyon rubldan çox vergi ödəməkdən yayınıb. Vəsaitlərin bir hissəsini (20 milyon rubldan çox) leqallaşdırmaq üçün maliyyə əməliyyatlarından istifadə edib.

Bundan əlavə, sadələşdirilmiş vergi sistemi üzrə fərdi sahibkar olan blogger sosial şəbəkələrdə reklam satışı və yerləşdirilməsi ilə məşğul olub. O, gəlirlərini fiziki şəxs kimi qəbul edərək qohumlarının adına rəsmiləşdirərək gizlədib, sonra nağdlaşdırıb və ya şəxsi hesabına köçürüb.

Ötən il Həsənovun Federal Vergi Xidmətinə (FTS) borcu 73 milyon rubla çatıb, lakin borc ödənilib.