Elman Paşayevin vergi borcu aşkarlanıb - HƏBS GÖZLƏYİR

Elman Paşayevin 707 min rubl vergi borcu aşkarlanıb.

BAKU.WS xəbər verir ki, bu barədə RİA Novosti məlumat yayıb.

Agentliyin məlumatına görə, Paşayev hüquq sahəsində fəaliyyət göstərən bir şirkətin təsisçisidir. Noyabr ayında təşkilatın hesabları vergi ödəyicisinin (ödəmə toplayıcısının, sığorta haqqı ödəyicisinin və ya vergi agentinin) borc öhdəliyini yerinə yetirməməsinə görə bloklanıb. Şirkətin mənfi balansı 25 286 rubl təşkil edib.

Eyni zamanda, Elman Paşayevin şəxsən 707 258 rubl məbləğində vergi borcu var.

Qeyd edək ki, keçmiş vəkil əvvəllər xüsusilə böyük miqdarda dələduzluq ittihamı ilə həbs edilib və 10 ilə qədər həbs cəzası ala bilər. Hüquq-mühafizə orqanları Paşayevin digər cinayətlərə də əlaqəsinin olub-olmadığını araşdırır.