Əfsanəvi aktyor və həyat yoldaşı evlərində ölü tapıldı

Oskar mükafatlı Hollivud aktyoru Cin Hekman (95) və həyat yoldaşı, klassik pianoçu Betsy Arakava (63), Nyu-Meksikonun Santa-Fe şəhərindəki evlərində ölü tapılıb.

BAKU.WS xəbər verir ki, bu barədə haber global məlumat yayıb.

Santa-Fe Şerifi Adan Mendoza cütlüyün və ev heyvanlarının öldüyünü təsdiqləyib. Yerli mediaya görə, ölüm səbəbi açıqlanmasa da, cinayət ehtimalı olmadığı bildirilib.

Qeyd edək ki, Cin Hekman 30 yanvar 1930-cu ildə Kaliforniyada anadan olub. Karyerasına 1956-cı ildə başlayan aktyor, "Bonnie and Clyde", "Superman", "The French Connection" və "Unforgiven" kimi məşhur filmlərdə rol alıb. O, 2004-cü ildə aktyorluqdan ayrılaraq sakit bir həyat sürməyə qərar vermişdi.

1991-ci ildə Betsy Arakava ilə evlənən aktyor üç övlad atası idi.