Can Yamanın bu hərəkətinə görə serialı dayandırıldı

Fəaliyyətinə İtaliyada davam edən aktyor Can Yamanın bir müddət əvvəl verdiyi açıqlama başına bəla olub.

BAKU.WS xəbər verir ki, həmin açıqlamadan sonra rol aldığı "El Turco" serialının yayımı dayandırılıb. 

Ekran işi yayım kanalı olan GAİN tərəfindən dayandırılıb. Buna səbəb kimi isə "Türk millətinə hörmətlə yanaşılmamaq" əsas gətirilib. 

"Son vaxtlar "El Turco" serialında rol alan aktyorlardan Can Yamanın verdiyi müsahibədə istifadə etdiyi ifadələr ictimaiyyət arasında tənqidlərə məruz qalıb. GAİN olaraq bu mövzuda bütün fikirlərə və tənqidlərə açıq yanaşdığımızı və xalqın həssaslığını hər zaman nəzərə aldığımızı vurğulamaq istərdik. Bu səbəbdən serialın nümayişini dayandırdıq" - deyə açıqlamada qeyd edilib. 

Xatırladaq ki, Can Yamanın İtaliyada xarici mediaya verdiyi müsahibələrdən birində onda "İtaliya yoxsa Türkiyə?" deyə sual verilir. Can isə buna "İtaliya" cavabını verir.