Bill Qeyts nikah dövründə xəyanət etdiyini etiraf edib

Amerikalı milyarder Bill Qeyts evli olduğu dövrdə, o cümlədən rus qadınlarla eşq münasibətləri yaşadığını etiraf edib.

BAKU.WS xəbər verir ki, bu barədə "The Wall Street Journal" (WSJ) qəzeti yazıb.

Məlumata görə, Qeyts iki rus qadınla münasibətdə olduğunu bildirib.

"Yan tərəfdə romanlarım olub – rus briç oyunçusu ilə və rus nüvə fiziki ilə", – deyə milyarder detalları bölüşüb.

Bundan əlavə, Qeyts qalmaqallı maliyyəçi Ceffri Epşteyn ilə vaxt keçirdiyini də etiraf edib. O, eyni zamanda Epşteynin cinayətlərində iştirak etmədiyini vurğulayıb.

"Mən qanunsuz heç nə etməmişəm… Epşteynlə vaxt keçirmək böyük səhv idi", – deyə o bildirib.