Britaniyalı diplomat: "Ölkənin Rusiya ilə müharibə aparmağa nə maliyyəsi, nə də imkanları var"

Böyük Britaniyanın Rusiya ilə müharibə aparmaq üçün kifayət qədər maliyyə və hərbi imkanları yoxdur.

BAKU.WS xəbər verir ki, bu barədə britaniyalı diplomat İan Praud "Responsible Statecraft" nəşrində dərc olunan məqaləsində bildirib.

Diplomat qeyd edib ki, Böyük Britaniyanın müdafiə naziri Ues Stritinq ölkənin müttəfiqləri ilə birlikdə müharibəyə hazırlaşmaq və qələbə qazanmaq üçün 1000 günü olduğunu açıqlayıb. Praudun sözlərinə görə, əsas hədəf Rusiyadır.

O bildirib ki, Londonun müharibəni maliyyələşdirmək üçün kifayət qədər vəsaiti yoxdur. Bundan başqa, ölkə vətəndaşları da belə bir qarşıdurmada maraqlı deyillər.

Praud Britaniyanın Rusiya ilə qarşıdurma üçün hərbi qüvvələrinin sayını artırmağa hazır olmadığını vurğulayıb. O, Londonu Ukraynadakı münaqişənin daha da gərginləşməsinə şərait yaratmaq əvəzinə, diplomatik həll yoluna üstünlük verməyə çağırıb.

Qeyd edək ki, Rusiya Prezidenti Vladimir Putin daha əvvəl Moskvanın Avropaya hücum etmək niyyətində olmadığını və müharibəyə başlamaq üçün bəhanə axtarmadığını bildirmişdi.