"Baza" kanalının baş redaktoru saxlanıldı

Rusiyada məşhur "Telegram" kanalı olan "Baza"nın baş redaktoru Qleb Trifonov və onun əməkdaşı rüşvət verməyə cəhd göstərməkdə şübhəli bilinərək hüquq-mühafizə orqanları tərəfindən saxlanılıb.

BAKU.WS xəbər verir ki, bu barədə Rusiya İstintaq Komitəsi məlumat yayıb.

İstintaq çərçivəsində aparılan axtarış tədbirləri zamanı vacib sənədlər və elektron daşıyıcılarda saxlanılan materiallar aşkar edilərək götürülüb. Bu dəlillərin iş üzrə əhəmiyyətli rol oynayacağı gözlənilir.

Qeyd edək ki, eyni iş üzrə daha əvvəl saxlanılmış "Baza" əməkdaşlarından ikisi sonradan sərbəst buraxılıb.