ABŞ və İsrail bəzi İran rəsmilərini hədəf siyahısından çıxarıb

İranın xarici işlər naziri Abbas Əraqçı və Məclisin (parlament) sədri Məhəmməd Baqir Qalibaf ABŞ və İsrailin ehtimal olunan hərbi zərbələrin hədəf siyahısından müvəqqəti olaraq kənarlaşdırılıblar.

BAKU.WS Oxu.Az-a istinadən xəbər verir ki, bu barədə "The Wall Street Journal" məlumat yayıb.

Məlumata əsasən, Vaşinqton və Təl-Əviv bu qərarı Tehranın rəsmi nümayəndələri ilə mümkün danışıqlar prosesinə şərait yaratmaq məqsədilə qəbul ediblər.

Xəbərə görə adıçəkilən şəxslərin hədəflər siyahısından çıxarılması qərarı cəmi 4-5 günlük bir müddəti əhatə edəcək.