8 yaşlı Narinin ölümünə ETİRAZ ETDİLƏR: "Ayıb olsun!"

19 günlük axtarışlardan sonra cansız bədəni çay yatağındakı torbadan tapılan 8 yaşlı Narin hər kəsi göz yaşına boğub.

BAKU.WS xəbər verir ki, yerli vətəndaşlarla yanaşı, türkiyəli məşhurlar da onun ölümünə reaksiyasız qalmayıblar.

Meqastar Tarkan:

"Bir gül qoxlayıb, heyvan sahiblənib, bir neçə insanı tanıyıb, sevib bu dünyadan köçəcəkdik. Ömrümüz necə pis bir dövrə təsadüf etdi. Vicdansızların, azğınların, qatillərin, nifrət və cəhalətin ortasına düşdük".

Aktrisa Aydan Şener:

"Kaş ki, insanlıq məhv olsa, bu dünyaya yalnız xeyirxah qəlbli, mühafizəsiz canlıları öldürməyən, mərhəmətli, sevgi dolu varlıqlar gəlsə... Ayıb olsun"

Müğənni Gülben Ergen:

"Narinin cansız bədəni kəndin 3 kilometr yaxınlığındakı çay yatağında torbanın içində tapıldı. Elə? Yəni əvvəl kəndə 3 kilometr məsafədəki çay yatağın abaxmadılar? Kimsə saxlayıb sonradan onu çay yatağına qoymuş olmasın?".

Xatırladaq ki, 19 günlük axtarışlardan sonra meyiti tapılan Narinə görə ittiham edilən şəxslərin sayı 24-ə çatıb.

Nəzarətə alınanlar arasında Narin Güranın anası, atası, iki böyük qardaşı, üç əmisi və əmisi S.G.-nin də anası var.

Şübhəlilər barəsində jandarmada əməliyyatlar davam etdirilir. İlkin ehtimallara görə Narin Güran boğularaq öldürülüb.