8,7 bal gücündə zəlzələ zamanı cərrahlar əməliyyatı dayandırmadılar - ANBAAN GÖRÜNTÜ

Rusiyanın Kamçatka yarımadasında 8,7 maqnitudalı zəlzələdən yeni görüntülər yayılıb.

BAKU.WS xəbər verir ki, xəstəxanalardan birində həkimlər anidən zəlzələni hiss edirlər. Tibb müəssisəsi  8,7 bal gücündə zəlzələnin təsirindən xeyli müddət silkələnib. Cərrahlar əməliyyatı dayandırmayıblar.

Həmin vaxt yaşananalar təhlükəsizlik kameraları tərəfindən anbaan görüntülənib. 

Xatırladaq ki, Rusiyanın Uzaq Şərqində yerləşən Kamçatkada maqnitudası 8,7 olan zəlzələ baş verib. Bu barədə Rusiya Elmlər Akademiyasının Geofizika Xidmətinin Kamçatka filialı Teleqram kanalında məlumat yayıb.

ABŞ-ın Honolulu Fövqəladə Hallar İdarəsi zəlzələnin yaratdığı sunami dalğaları təhlükəsi səbəbindən Havay adalarının bəzi sahil ərazilərinin təxliyə edilməsinə çağırıb.

Yaponiyanın Baş naziri Şigeru İşiba əhaliyə müraciət edərək, sunami xəbərdarlığı olan ərazilərdən təxliyə olunmağa çağırıb.