Suriyanın İdlib şəhərində Türkiyə əsgərlərinin müşahidə məntəqəsi top atəşi ilə vurulub.

BAKU.WS “Habertürk”ə istinadən xəbər verir ki, 3 zərbə nəticəsində 1 əsgər şəhid olub, 3 əsgər isə yaralanıb.

Türk hərbçiləri dərhal qarşı tərəfə qarşılıq verib və hücumu edənlər zərərsizləşdirilib.

Türkiyə hərbi dairələri hücumun Suriya hökumət qüvvələri tərəfindən edildiyini açıqlayıb. Məsələ ilə bağlı Rusiyanın Ankaradakı ataşesi Baş Qərargaha çağırılıb.

Qeyd edək ki, Türkiyənin İdlibdə 9 və 10 nömrəli müşahidə məntəqələri son 3 ayda 8 dəfə hücuma məruz qalıb. Buna səbəb isə son zamanlarda həmin məntəqələrə çoxlu sayda zirehli texnika, ağır silahlar və hərbçilərin gətirilməsidir.

Hadisənin G20 Zirvə toplantısında iştirak edən Türkiyə Prezidenti Rəcəb Tayyib Ərdoğanın Rusiya Prezidenti Valdimir Putinlə müzakirə edəcəyi bildirilib.

Fərid ƏDALƏT BAKU.WS
VİDEO