Putin İsveç və Finlandiya sərhədindəki ordunu gücləndirəcək

Rusiya Federasiyasının prezidenti Vladimir Putin İsveç və Finlandiyanın NATO-ya daxil olmasını nəzərə alaraq Qərb istiqamətində Rusiya hərbi qrupunun gücləndirilməsinin vacibliyini vurğulayıb.

Bu barədə o, Federal Məclisin illik müraciətində danışıb.

“Hərbi blokun Şərqə növbəti genişlənməsi və İsveçlə Finlandiyanın NATO-ya cəlb olunması ilə bağlı təhlükələri neytrallaşdırmaq üçün qərb istiqamətindəki qruplar ciddi şəkildə gücləndirilməlidir”, - deyə Putin əlavə edib.

O əlavə edib ki, Rusiya ordu və donanmanın daha yüksək səviyyəsinə çatmalıdır: "Qoşunlara PUA-ların, hava hücumundan müdafiə və elektron döyüş texnikasının, kəşfiyyat və rabitə vasitələrinin, yüksək dəqiqlikli və digər silahların verilməsini daha yaxşı təşkil etmək lazımdır".