KİV: Rusiya sərhədçiləri İrəvan hava limanından çıxarılacaq
![KİV: Rusiya sərhədçiləri İrəvan hava limanından çıxarılacaq](https://baku.ws/storage/photos/thumbs/large/1708625097_443475e6-8a30-3d70-89a6-a0bdffcf329e_850.webp)
Rusiya sərhədçiləri İrəvanın “Zvartnots” Beynəlxalq Hava Limanından çıxarılacaq.
"Report" xəbər verir ki, bu barədə Ermənistan mediasına yüksək vəzifəli mənbə məlumat verib.
Onun sözlərinə görə, bu proses yaxın vaxtlarda baş verəcək.
Rəsmi şəxs bu qərarın nədən qaynaqlandığını açıqlamasa da, onun siyasi olduğunu deyib.
Qeyd edək ki, Rusiya sərhədçilərinin “Zvartnots” hava limanında yerləşdirilməsi hökumətlərarası razılaşma ilə tənzimlənmir. Ermənistan Respublikası Milli Təhlükəsizlik Xidmətinin sərhəd qoşunlarıilə Rusiya Federal Təhlükəsizlik Xidməti arasında imzalanmış sənədə əsasən, Rusiya sərhədçiləri hava limanında xidmət edir.
Ermənistan Milli Təhlükəsizlik Xidmətini məsələ ilə bağlı heç bir məlumatın olmadığını bildirib.
Qeyd edək ki, Ermənistan ərazisində Rusiya sərhəd qoşunlarının statusunu və fəaliyyətini tənzimləyən saziş 1992-ci ildə imzalanıb. Lakin bu müqavilədə hava limanı xidməti ilə bağlı bənd yoxdur.
Oxşar xəbərlər
İrəvanda “seçki” tragikomediyası: Ermənilərin yeni sahibi və Moskvanın kürəyinə sancılan xəncər - FOTO
İrəvanda meriya uğrunda çəkişmələrin əsas simaları paytaxt seçkisini Azərbaycana qarşı radikal ritorika hesabına udmaq istəyən və siyasi mübarizəyə yumor səhnəs...