Reuters: Qərb Rusiyaya tankerlərin satışına qadağa qoyulması ilə bağlı razılığa gələ bilməyib
![Reuters: Qərb Rusiyaya tankerlərin satışına qadağa qoyulması ilə bağlı razılığa gələ bilməyib](https://baku.ws/storage/photos/thumbs/large/1702322855_568215df-6185-3567-ad85-e67885e0f6cf_850.webp)
Avropa İttifaqı ölkələri Avropa Komissiyasının təklif etdiyi 12-ci sanksiyalar paketində Rusiyaya tankerlərin satışının qadağan edilməsi ilə bağlı razılığa gələ bilmədilər.
“Report” xəbər verir ki, bu barədə Brüsseldəki diplomatik mənbələrə istinadən Reuters agentliyi məlumat yayıb.
Avropa Komissiyası ilkin olaraq köhnə tankerlərin Rusiya şirkətlərinə, eləcə də Yeddilik Qrupunun Rusiya neftinə tətbiq etdiyi qiymət tavanından yan keçmək üçün öz tankerlərindən istifadə edə bilən şirkətlərə satışını qadağan etmək istəyirdi. Lakin bu təklifdən imtina olunub.
Qeyd olunub ki, belə bir təşəbbüsə güclü dəniz nəqliyyatı şirkətləri olan Aralıq dənizi ölkələri tərəfindən veto qoyulub və bu qərarın onların rəqabət qabiliyyətliliyinə xələl gətirəcəyi bildirilib.
Oxşar xəbərlər
Türkiyə seçkilərində son rəqəmlər: Ərdoğan liderdir - YENİLƏNİR
Türkiyədə səsvermə qutularının 99,01 faizi açılıb. Bu barədə Türkiyə Mərkəzi Seçki Komissiyası məlumat yayıb. Son məlumata görə, Rəcəb Tayyib Ərdoğan 49,36 faiz...