2024-cü il ən yaxşı 10 FİLMİ: Nikol Kidmanın cəsarət edib izləmədiyi öz filmi də var - SİYAHI

Hər il olduğu kimi bu il də prestijli "Time" jurnalı ilin ən yaxşı filmlərinin adlarını açıqlayıb.

BAKU.WS xəbər verir ki, siyahıda ən çox baxılan və il boyu mötəbər festivallarda nümayiş edilən ekran işləri var.

Hətta bu filmlər arasında Hollivud ulduzu Nikol Kidmanın izləməyə cəsarət edə bilmədiyi yeni filmi də var.

2024-cü ilin ən baxımları ekran işləri aşağıdakılardır:

10. "Dogman"

Rejissoru Luk Besson olan filmdə həyatda hər kəsə çarə olan uşaq xilasını itlərə olan sevgisində tapır.

9. "Flow"

Cints Zilbaloidsin rejissoru olduğu filmdə bir pişik təbii fəlakət nəticəsində uzun müddət yaşadığı yerdən məhrum olur. Bundan sonra o müxtəlif canlıların yaşadığı mühitdə özünə sığınacaq tapır. Onlarla arasındakı fərqə rəğmən birlik olmağa çalışır.

8. "Emilia Pérez"

Kann Film Festivalında nümayiş olunan filmə görə Zoi Saldana, Selana Qomez kimi aktrisalar "Ən yaxşı qadın aktrisa" mükafatının sahibi oldular.

Ekran işində hadisələr Meksikada cərəyan edir. Filmdə vəkil Rita gözlənilməz təklif alır. O hamının qorxub ehtiyat etdiyi bir şəbəkənin rəhbərinə işindən azad olmağa və əvvəlki həyatına qayıtmağa kömək etməli olur.

7. "Green Border"

Ekran əsərində Suriyadan gələn ailə ilə Əfqanıstandan gələn ingilis dili müəllimi Polşa-Belarus sərhədində bir araya gəlir.

6. "Hard Truths"

Mayk Li imzalı filmdə Marianne Cin-Baptist, Co Martin və Samantha Spiro adlı aktyorlar çəkiliblər.

5. "A Complete Unknown"

Filmdə əfsanəvi musiqiçi Bob Dilanın həyatından bəhs edilir. Ekran işində baş rolu Timati Şalame oynayır.

Aktyor bu rola görə gələn il keçiriləcək "Oscar" mərasimində "Ən yaxşı aktyor" nominasiyasında mübarizə apara bilər.

4. "Anora"

Şon Beykerin rejissoru olduğu filmdə Miki Madison, Paul Uaysmen kimi aktyorlar çəkiliblər. Rejissor bu il Kann Film Festivalında bu ekran işinə görə "Qızıl Palma" alıb.

3. "The Seed of the Sacred Fig"

İranlı prodüser Muhammed Rasulofun bu filmi Kannda nümayiş olunub.

Rejissor 2017-ci ildə Kann Film Festivalında mükafata layiq görülən "A Man of Integrity" filminə görə 2019-cu ildə bir il həbs həyatı yaşayıb.

2. "All We Imagine as Light"

Rejissor Payal Kapadianın filmində tibb bacısı Prabhanın gündəlik həyatı həyat yoldaşından aldığı bir hədiyyə ilə alt-üst olur.

1. "Babygirl"

Hollivud ulduzu Nikol Kidmanın baş rolunu canlandırdığı "Babygirl" filmi Nyu Yorkda yaşayan iş qadını Romy ilə onun şirkətində yeni təcrübəyə başlayan işçinin gizli eşq macərasından bəhs edir.

Layihədə Sofi Uayld, Antonio Banderas kimi məşhur aktyorlar çəkiliblər.

Nikol müsahibələrindən birində "Bu film insanların birlikdə izləməsi üçün çəkildi. Lakin o qədər cəsarətim varmı bilmirəm. Çox cəsarət tələb edən filmdir. Burada bütün dünyanın görə bilməyəcəyi tərzdə olan şeylər var. Bir aktrisa kimi özümü açıqda hiss etdim. "Mən neynədim" deyə özümə sual da verdim" - deyə, bildirib.