Bakıda ilk Hilton Garden Inn oteli açıldı

19 dekabr 2024-cü il tarixində, Hilton Garden Inn Baku otelinin rəsmi açılış tədbiri baş tutmuşdur.

Hilton Garden Inn Baku, Tabia Group portfelinə daxil olan yüksək səviyyəli beynəlxalq otel brendidir. Bu brendin Tabia Group daxilində ölkəmizdə fəaliyyətə başlaması Qrupun üstün səviyyəli qonaqpərvərlik təcrübəsini əlçatan etməyə sadiqliyinin sübutudur.

Otel Sarabski küçəsi 657 ünvanında yerləşir. Hilton Garden Inn Baku Heydər Əliyev adına Beynəlxalq Havalimanından 24 kilometr aralıqdadır. Əlavə olaraq otel Dədə Qorqud parkı, Heydər Əliyev Mərkəzi, Bakı Konqres Mərkəzi, Zoologiya parkı, 28 Mall və Gənclik Mall kimi mühim istirahət, əyləncə və biznes mərkəzlərinə yaxın məsafədə yerləşir.

12 mərtəbəli, 195 otaqlı otel, yüksək keyfiyyətdə xidmət göstərən restoran, bar və fitness mərkəzi ilə təchiz olunub. Oteldə müasir konfrans otaqları və çoxfunksiyalı tədbir məkanlarına da yer verilib.

"Biz rahatlıq və yüksək səviyyəli xidmət sintezini təklif edən Hilton Garden Inn Baku-nu təqdim etməkdən qürur duyuruq." Hilton Garden Inn Baku-nun Baş meneceri Erhan Gürsel bildirib. "Otelimiz həm işgüzar mütəxəssislərə, həm də istirahət üçün səfər edən qonaqlara xidmət etməyi nəzərdə tutmuşdur. Bugün şəhərimizin mühim istirahət, mədəniyyət və biznes mərkəzləri yaxınlığında yerləşən otelimizin qapılarını ilk qonaqlarına açmış olmaqdan dərin sevinc hissi duyuruq".

Qalereya