Pensiya, sosial yardım, müavinət alanlara şad xəbər!

Pensiya, müavinət, təqaüd, sosial yardım alan, əlilliyi olan şəxslər, Vətən müharibəsi iştirakçıları və şəhid ailələri "Buta" apteklər şəbəkəsində dərman preparatlarını endirimli qiymətlərlə əldə edə bilərlər. Bunun üçün alış-veriş etdikdən sonra mütləq sosial ödəniş kartı - pensiya, müavinət, sosial yardım aldıqları kartla, yəni nağdsız qaydada ödəniş etməlidirlər.

Ölkəmizin hər yerində fəaliyyət göstərən "Buta" apteklər şəbəkəsi "Qayğı+" keşbek kartı vasitəsi ilə dərmanları sosial ödəniş alanlara endirimli qiymətlərlə təklif edir. Bu apteklər şəbəkəsindən sosial ödəniş kartı ilə nağdsız qaydada alış-veriş etdikdə 3 faizdən 10 faizədək keşbek formasında bonuslar təqdim olunur.

Pensiya, müavinət və yaxud sosial yardım pulunu hər hansı başqa karta köçürmədən, məhz sosial ödəniş kartı ilə "Buta"dan nağdsız qaydada dərman preparatları və digər tibbi ləvazimatlar aldıqda endirimlərdən faydalanmaq imkanı qazanacaqsınız.

Qeyd edək ki, bu günədək sosial ödəniş alan şəxslər tərəfdaş şirkətlərdən nağdsız qaydada, yəni kartla 850 mindən çox alış-veriş edib, təklif olunan endirimlərdən faydalanıblar.

"Sosial tərəfdaş" layihəsi çərçivəsində çoxsaylı endirimlər təklif edən digər apteklər də var. Onlarla www.sosialterefdash.az saytına daxil olub partniyorlar bölməsində apteklər kateqoriyasını seçərək tanış olmaq mümkündür.