Pensiya, sosial yardım, təqaüd alanlara şad xəbər!

Yaşa, əlilliyə, ailə başçısını itirməyə görə pensiya, istənilən növ müavinət, təqaüd alan şəxslərə, sosial yardım alan ailələrə, Vətən müharibəsi iştirakçılarına və şəhid ailələrinə endirimlərdən faydalanma fürsəti yaradılıb. Bu endirimlərdən yararlanmaq üçün ödəniş mütləq sosial ödəniş kartı ilə nağdsız qaydada edilməlidir.

Yeri gəlmişkən, bu günlərdə respublikanın bölgələrində yaşayan pensiyaçıların, habelə güzəştli şərtlərlə pensiya hüququ olan şəxslərin pensiyalarının ödənişinə başlanılacaq. Pensiyaları bankomatdan çıxarmadan, digər hansısa bir karta köçürmədən məhz sosial ödəniş kartında olan pulla endirim təklif edən mağaza, market və apteklərdə alış-veriş edib, restoran və klinikaların xidmətlərindən yararlanıb nağdsız qaydada ödəniş etsəniz, bu fürsətlərdən faydalana bilərsiniz. Əgər pulu nağdlaşdırsanız və ya pensiya kartından başqa karta köçürüb istifadə etməyə çalışsanız, endirimlərdən faydalanmaq şansını itirəcəksiniz. Endirim yalnız nağdsız qaydada sosial ödəniş kartı ilə edildikdə tətbiq olunur.

Çoxsaylı endirimlər təklif edən şirkətlərlə www.sosialterefdash.az saytına daxil olaraq, "Partnyorlar" bölməsində tanış olmaq mümkündür.

Yeni il qabağı "Bazarstore" və "Al market"də sosial ödəniş alan şəxslər alış-veriş zamanı endirimlərdən faydalana bilərlər. Bakıda, eləcə də regionlarda fəaliyyət göstərən bu marketlərdən bayram bazarlığı edib ödənişi pensiya, sosial yardım, müavinət və ya təqaüd aldığınız kartla nağdsız qaydada etsəniz, sizə yerindəcə endirim tətbiq olunacaq.

Endirim təklif edən digər marketlərlə www.sosialterefdash.az saytına daxil olaraq, "Partnyorlar" bölməsində tanış ola bilərsiniz.

Bundan başqa sevdiklərinizə, əzizlərinizə Yeni il hədiyyəsi almaq istəsəniz, həm Bakıda, həm də regionlarda məişət avadanlıqları və elektrotexnika məhsullarının satışını reallaşdıran "Baku Electronics" mağazasına üz tuta bilərsiniz. Çünki mağaza bütün məhsullarını sosial ödəniş alan şəxslərə endirimli qiymətlərlə təklif edir. Bu mağazalardan alış-verişdən sonra hesabı sosial ödəniş kartı ilə nağdsız qaydada etsəniz, avtomatik olaraq endirim əldə edəcəksiniz.

Sosial ödəniş alan şəxslər bayram və istirahət günlərini əzizləri, övladları, nəvələri ilə birlikdə fərqli ab-havada keçirmək istəsələr, "McDonald"s" restoranlar şəbəkəsini seçsinlər. Çünki onları burada endirimli qiymətlər gözləyir. Endirim restoranın Bakı, Sumqayıt və Gəncə şəhərlərində fəaliyyət göstərən filialları üçün keçərlidir. Adıçəkilən şəhərlərdə yaşayan sosial ödəniş alan hər kəs övladlarını, nəvə-nəticələrini bu məkana aparıb onları endirimli qiymətlərlə dadlı sendviç və burgerə qonaq edə bilərlər.

Bayram və istirahət günləri Bakı, Sumqayıt və Xırdalanda fəaliyyət göstərən "Özsüt" restoranlar şəbəkəsi yolunuzu gözləyir. Burada da sosial ödəniş alanlara endirimlər təklif olunur. Müxtəlif dadlı şirniyyatları və ləziz təamları ilə müştərilərin yolunu gözləyən bu restorandan yolunu salan bütün sosial ödəniş alan şəxslərə endirim tətbiq olunacaq. Ancaq unutmayın ki, endirimdən faydalanmaq üçün hesabı mütləq sosial ödəniş kartı ilə nağdsız qaydada ödəmək lazımdır.

Sosial tərəfdaslar arasında Xaçmaz rayonunda fəaliyyət göstərən "Kristal" Ticarət Mərkəzi də yer alır. Bu ticarət mərkəzindən yolunuzu salıb alış-verişi sosial ödəniş kartı ilə etsəniz, endirimdən faydalanmaq şansı qazanacaqsınız.

"Oksigen" Klinik Xəstəxanası da sosial ödəniş alanlara endirim tətbiq edir. Müxtəlif tibbi xidmətlər göstərilən bu tibb müəssisəsində müayinə və müalicə sizə 20 faiz daha ucuza başa gələcək. Çünki sosial ödəniş alan şəxslərə burada da endirimlər var.

Endirimlərdən faydalanmaq üçün istər alış-veriş, istərsə də xidmətlərdən istifadə zamanı hesabı mütləq sosial ödəniş kartı, yəni pensiya, müavinət, sosial yardım və təqaüd aldığınız kartla nağdsız qaydada ödəyin. Unutmayın ki, ancaq bu halda endirimlərdən faydalana biləcəksiniz.

Qeyd edək ki, bu günədək sosial ödəniş alan şəxslər tərəfdaş şirkətlərdən nağdsız qaydada, yəni sosial ödəniş kartları vasitəsilə 1 milyondan çox alış-veriş edib, təklif olunan endirimlərdən faydalanıblar.

Çoxsaylı endirimlər təklif edən digər şirkətlərlə www.sosialterefdash.az saytına daxil olaraq, "Partnyorlar" bölməsində tanış olmaq mümkündür.