Toyota Abşeron-un alqışalayiq təşəbbüsü: Toyota uşaqların xəyallarını dəstəkləyir

Toyota Abşeron Mərkəzi növbəti möhtəşəm təşəbbüsü ilə diqqət çəkərək Toyota Dream Car Art Contest müsabiqəsi çərçivəsində uşaqların yaradıcılıq dünyasına yeni bir baxış qazandırdı. Bu müsabiqə ilə gənc istedadlar öz xəyallarındakı avtomobilləri təsvir etmək şansı əldə etdilər.

Üç fərqli yaş kateqoriyası üzrə keçirilən müsabiqədə iştirakçılar xəyal etdikləri avtomobilləri təsvir edərək unikal əsərlər təqdim etdilər. Tədbirin sonunda hər yaş kateqoriyası üzrə qaliblər seçilərək mükafatlandırıldı. Qaliblər arasında yaradıcı yanaşmaları və bənzərsiz dizaynları ilə seçilən uşaqlar hədiyyələrlə təltif olundular.

Müsabiqənin məqsədi yalnız uşaqların yaradıcılığını dəstəkləmək deyil, həm də onların gələcək innovasiyalara olan marağını artırmaq idi. Toyota-nın bu təşəbbüsü uşaqlara öz xəyallarını gerçəkləşdirmək və avtomobil dizaynına maraq göstərmək üçün unikal bir platforma təqdim etdi.

Tədbirin yekununda Toyota Abşeron Mərkəzi rəhbərliyi uşaqlara və valideynlərə iştiraklarına görə təşəkkürlərini çatdırdı. Onlar qeyd etdilər ki, bu təşəbbüs gələcəkdə də davam edəcək və gələcəyin mühəndis və dizaynerləri üçün daha çox imkanlar yaradacaq.

Qalereya