Quba bazarında durğunluq: Qiymətlər aşağı düşdü - VİDEO

Hər il bayram öncəsi bazarlarda qiymətlər od-tutub yanır.

BAKU.WS BAKU.TV-yə istinadla xəbər verir ki, bazardakı qiymətlər əvvəlki illərdən fərqli olaraq çox aşağı düşüb. Alıcı isə demək olar ki, yoxdur.

Xüsusi ilə daha çox tələbat duyulan ət məhsullarını alan yoxdur. Bazarlarla yanaşı yol kənarında yerləşən ət dükanlarında da eyni vəziyyət hökm sürür. Hər ilin bu vaxtı bazarlara çıxarılan ev quşlarına da indi az rast gəlinir.

Satıcılar belə vəziyyətin davam etdiyi halda yaxın günlərdə qiymətlərin daha da enəcəyini bildirirlər. Müşahidələrimizə əsaslanaraq onu da deyə bilərik ki, hazırda vətəndaşlar bayram süfrəsi üçün əvvəlki ilə nisbətən 30-40 faiz az pul xərcləyəcəklər.