XXV Qış Olimpiya Oyunları: Azərbaycan təmsilçisi bu gün mübarizəyə qoşulur
İtaliyanın Milan və Kortina-d'Ampetso şəhərlərində təşkil olunan XXV Qış Olimpiya Oyunlarında bu gün Azərbaycan təmsilçisi Anastasiya Papatoma mübarizəyə qoşulacaq.
BAKU.WS xəbər verir ki, dağ xizəkçisi slalom növündə qüvvəsini sınayacaq.
Yarışlar İtaliyanın məşhur dağ-xizək mərkəzi olan Kortina-d'Ampetsoda keçiriləcək.
Bu gün həmçinin daha bir neçə idman növü üzrə yarışlar baş tutacaq.
Medal sıralamasında Norveç birinci pillədə qərarlaşıb. Skandinaviya ölkəsi indiyədək 31 (14 qızıl, 8 gümüş, 9 bürünc) mükafat qazanıb. İtaliya (9 qızıl, 4 gümüş, 11 bürünc) ikinci, ABŞ (6 qızıl, 10 gümüş, 5 bürünc) üçüncüdür.
Xatırladaq ki, daha əvvəl Azərbaycan fiqurlu konkisürəni Vladimir Litvintsev qısa proqramda 29 idmançının mübarizəsində 63,63 xalla sonuncu yeri tutub və mübarizəni dayandırıb.
XXV Qış Olimpiya Oyunlarına fevralın 22-də yekun vurulacaq.
Oxşar xəbərlər
"Benfika" azarkeşləri "Real Madrid"lə oyun zamanı meydana müxtəlif əşyalar atıblar
"Benfika" azarkeşləri "Real Madrid"lə oyun zamanı meydana əşyalar atıblar. BAKU.WS xəbər verir ki, "Benfika" və "Real Madrid" arasında keçirilən Çempionlar Liqa...