Tanınmış məşqçi təcili xəstəxanaya yerləşdirildi

Tanınmış məşqçi Mirça Luçesku Rumıniyada təcili şəkildə xəstəxanaya yerləşdirilib.

BAKU.WS xəbər verir ki, bu barədə "ProSport" nəşri məlumat yayıb.

Luçeskunun hospitalizasiyasına səbəb onun səhhətinin qəfil pisləşməsi olub. Bildirilir ki, məşqçinin sağlamlıq vəziyyəti hələ ötən ilin sonlarından zəifləməyə başlayıb.

Onun mövcud olan ürək problemləri, keçirdiyi soyuqdəymə xəstəliyindən sonra kəskinləşib. Tibbi müəssisədə olduğu müddətdə isə onun vəziyyətinin daha da ağırlaşdığı qeyd olunur.

Bu səbəbdən Mirça Luçesku Rumıniya komandalarının hazırlıq toplanışları keçirdiyi Antalyaya səfər edə bilməyəcək. Onun planlarında Rumıniya milli komandası üçün potensial futbolçuları izləmək nəzərdə tutulurdu.

Karyerası ərzində Luçesku İtaliyanın "İnter", Türkiyənin "Beşiktaş" və "Qalatasaray", Ukraynanın "Şaxtyor" və "Dinamo", eləcə də 2016–2017-ci mövsümdə Rusiyanın "Zenit" klublarını çalışdırıb.

Qalereya