"Qızıl top" mükafatının favoriti müəyyənləşib

"France Football" jurnalı tərəfindən ilin ən yaxşı futbolçusuna verilən "Qızıl top" mükafatının favoriti açıqlanıb.

BAKU.WS RB-Sport-a istinadən xəbər verir ki, "Arsenal"ın yarımmüdafiəçisi Deklan Rays kuboka əsas namizəd seçilib.

Bukmeykerlər ona 2026-cı ildə "Qızıl top"u qazanmaq üçün 4.00 əmsal təklif edirlər.

Siyahıda növbəti yerləri "Barselona"nın hücumçusu Lamin Yamal və "Real Madrid"in hücumçusu Kilian Mbappe tutur.

Onların mükafatı qazanması üçün 4.50 əmsal göstərilir. "Qızıl top" mükafatının digər beş potensial qalibi arasında "Bavariya"nın hücumçusu Harri Keyn (6.00) və "Mançester Siti"nin hücumçusu Erlinq Haaland (9.00) da var.

2025-ci ildə Paris Sen-Jermen hücumçusu Usman Dembele "Qızıl top" mükafatını qazanıb.