"Qarabağ"ın heyətində CİDDİ İTKİ

"Qarabağ"ın futbolçusu Elvin Cəfərquliyev UEFA Konfrans Liqasının III təsnifat mərhələsində "Dinamo Kiyev"ə qarşı keçirilən cavab oyununda zədələnib.

BAKU.WS klubun mətbuat xidmətinə istinadən xəbər verir ki, aparılan tibbi müayinələr zamanı futbolçunun ayağının arxa əzələsində vətərin qismən yırtığı aşkarlanıb.

Elvin Cəfərquliyevin bərpa müddətinin təxminən iki həftə davam edəcəyi gözlənilir.

Qeyd olunub ki, futbolçunun müalicə və reabilitasiya prosesi klubun tibbi heyətinin nəzarəti altında davam etdirilir.