Okan Burukun burnunu sıxan Mourinyo "Real"ı çalışdırarkən oxşar hərəkəti edib

Türkiyə kubokunun 1/4 final mərhələsində dünən axşam oynanılan derbidə "Fənərbağça"nın baş məşqçisi Joze Mourinyo "Qalatasaray"lı həmkarının burnunu sıxıb.

BAKU.WS xəbər verir ki, sözügedən hadisə dünya mətbuatında, eləcə də sosial şəbəkələrdə əls-səda doğurub.

Bu gözlənilməz təmas nəticəsində Buruk müvazinətini itirərək yerə yıxılıb. Ardınca texniki heyət və mühafizəçilər olaya müdaxilə edib.

Nəticədə meydançadan kənarda qısamüddətli dava olub.

Maraqlısı budur ki, rəqib məşqçini çimdikləmək Mourinyonun etdiyi ilk belə hərəkət deyil.

Belə ki, o, 2011-ci ildə "Real Madrid"in sükanı arxasında olarkən barmağını "Barselona"nın baş məşqçisi Tito Villanovanın gözünə soxmuşdu.

Portuqaliyalı çalışdırıcı bu hərəkətinə görə 2 oyunluq cəza alıb.

Qeyd edək ki, gərgin keçən matç "Qalatasaray"ın 1:2 üstünlüyü ilə başa çatıb.