O, Yamalı Messidən sonra ən yaxşı futbolçu adlandırdı

"Barselona"nın 20 yaşlı yarımmüdafiəçisi Qavi İspaniya kubokunun 1/8 finalında "Betis"lə oyundan (5:1) sonra Kataloniya komandasının 17 yaşlı cinah yarımmüdafiəçisi Lamine Yamalla bağlı sualı cavablandırıb.

BAKU.WS xarici KİV-ə istinadən xəbər verir ki, o, Yamalı Messidən sonra ən yaxşı futbolçu hesab etdiyini deyib.

"Bəli, bu doğrudur. Yamal Lionel Messidən sonra, ən yaxşı futbolçudur".

Xatırladaq ki, "Betis"lə görüşdə Qavi matçın 3-cü dəqiqəsində ilk qolu vurub. Yamal isə həm qol vurub, həm də məhsuldar ötürmə edib.

17 yaşlı futbolçu Kataloniya komandasına 2023-cü ilin iyulunda qoşulub. Bu mövsüm Yamal 24 matçda iştirak edib, burada 9 qol vurub və 13 məhsuldar ötürmə edib. Transfermarkt portalının məlumatına görə, futbolçunun transfer dəyəri 180 milyon avrodur.