"Real" Modriçlə bağlı yekun qərarını verdi

"Real" (Madrid) 38 yaşlı yarımmüdafiəçisi Luka Modriçlə müqaviləni artırıb.

BAKU.WS xəbər verir ki, bu haqda informasiyanı "Kral klubu"nun rəsmi saytı yayıb. Xorvat futbolçu ilə müqavilə 2025-ci ilin yayınadək uzadılıb.

Qeyd edək ki, Luka Modriç ötən mövsüm "Real"ın forması ilə 46 matçda meydana çıxaraq 2 qol və səkkiz məhsuldar ötürmə ilə yadda qalmışdı. Transfermarkt portalı futbolçunun bazar dəyərini 6 milyon avro olaraq qiymətləndirir.