Türkiyədə çıxış edən ən dəyərli 5 futbolçu - FOTO

Milyonlarla futbolsevərin yaxından izlədiyi Beynəlxalq İdman Araşdırmaları Mərkəzi (CIES) Türkiyə Super Liqasında 25 yaşdan kiçik futbolçuların təxmini transfer qiymətlərini rəsmi olaraq açıqlayıb.

BAKU.WS Türkiyədə çıxış edən yaşı 25-ə qədər olan ən dəyərli 5 futbolçunu təqdim edir:

5. İsmail Yüksek (13,8 milyon avro)

2020/21 mövsümündə 65 min Avro transfer qarşılığında “Fənərbağça”ya transfer olunan İsmail Yüksek siyahıya 5-ci pillədə daxil olub.

Bu mövsüm komandası ilə 36 matçda 2713 dəqiqə meydanda olan futbolçu, 1 qol və 5 məhsuldar ötürmə ilə çıxış edib.

4. Barış Alper Yılmaz (16,5 milyon avro)

"Qalatasaray"ın "Keçiörengücü"dən 2 milyon 100 min avroya transfer etdiyi Barış Alper Yılmaz xüsusilə Çempionlar Liqasındakı çıxışı ilə Avropa nəhənglərinin iştahını açıb.

Bu mövsüm komandası ilə bütün yarışlarda 40 matçda 2164 dəqiqə meydanda olan 23 yaşlı futbolçu, 4 qol vurub, 7 məhsuldar ötürmə edib.

3. Tete Martins (16,7 milyon avro)

Yay transfer dönəmində sarı-qırmızılıların heyətinə qatılan Tete performansı ilə gözləntilərin altında qalıb.

24 yaşlı braziliyalı gənc futbolçu ümumilikdə 33 matçda 1477 dəqiqə meydanda olub və 3 qol vurub, 4 məhsuldar ötürmə edib.

2. Sebastian Şimanski (20,8 milyon avro)

“Fənərbağça”nın yay transfer dövründə “Qalatasaray” ilə transfer yarışından sonra xoşbəxt sona çatdığı Sebastian Şimanski performansı ilə göz qamaşdırır.

Polşalı futbolçu sarı-göy rəngli forma ilə 39 matçda iştirak edib. O, 12 qol vurub, 14 məhsuldar ötürmə edib.

1. Ferdi Kadıoğlu (20,9 milyon avro)

Bu mövsüm "Fənərbağça" forması ilə uğurlu çıxışı ilə azarkeşlərin sevimlisinə çevrilən gənc ulduz, Beynəlxalq İdman Araşdırmaları Mərkəzinin məlumatına görə, Super Liqada 25 yaşa qədər ən yüksək transfer qiyməti olan futbolçu olub.

Avropanın bir çox nəhəng komandasının transfer radarında olan ulduz bu mövsüm 34 matçda meydana çıxıb. O, 2 qol vurub, 3 məhsuldar ötürmə edib.