055 213 76 73
Kataloniya "Barselona"sının və İspaniya millisinin yarımmüdafiəçisi Lamin Yamal "Real Madrid"in köynəyi ilə heç vaxt meydana çıxmayacağına söz verib.
BAKU.WS xəbər verir ki, gənc futbolçu bunu "Marca"ya müsahibəsində bildirib.
Onun sözlərinə görə, peşəkar karyerasında heç vaxt “Los Blancos”da oynamayacaq.
Qeyd edək ki, Almaniyada keçirilən AVRO-2024 Çempionatında 16 yaşlı Yamal Avro tarixinin ən gənc futbolçusu olub. Qrup mərhələsində İspaniya üç oyunda üç qələbə qazanıb - Xorvatiya (3:0), İtaliya (1:0) və Albaniya (1:0) üzərində. 1/8 final mərhələsində ispaniyalı futbolçular Gürcüstandan olan rəqiblərinə inamla qalib gəliblər - 4:1.
Avropa çempionatının 1/4 final mərhələsində İspaniya və Almaniya yığmaları üz-üzə gələcək. Oyun iyulun 5-də baş tutacaq, start fiti Moskva vaxtı ilə saat 19:00-da səslənəcək.
Almaniya qrup mərhələsində Şotlandiya (5:1) və Macarıstan (2:0) üzərində qələbə qazanıb, İsveçrə ilə də heç-heçə edib (1:1). Pley-off mərhələsinin ilk oyununda turnirin ev sahibi ölkəsi Danimarkanı məğlub edib - 2:0.