055 213 76 73
Keçmiş futbolçu, ABŞ-ın "İnter Mayami" klubunun sahibi Devid Bekhem Hollivud aktyoru Mark Uolberqin şirkətini məhkəməyə verib.
BAKU.WS xəbər verir ki, bu barədə "The Sun" məlumat yayıb.
Bekhem Mark Uolberqi dələduzluqda ittiham edib.
48 yaşlı Bekhem bu yaxınlarda aktyorun fitnes brendi F45-in siması olmağa razılaşıb. Lakin sövdələşmə uğursuz olub və nəticədə sabiq futbolçu maliyyə itkisinə məruz qalıb. Bekhemin 8,5 milyon avro itirdiyi bildirilir.
"Mark Wahlberg Investment Group" (MWIG) və F45 brendinin təsisçiləri Mark Uolberqə qarşı fırıldaqçılıq iddialarının əsassız olduğunu bildiriblər. Onlar hakimdən iddianın rədd edilməsini istəyiblər.
BAKU.WS