Qətər əmiri Mbappeni PSJ-də qalmağa razı salmayacaq

Qətər əmiri Təmim bin Həməd Al Tani Fransanın PSJ-nin futbolçusu Kilian Mbappeni PSJ-də qalmağa razı salmayacaq.

BAKU.WS xəbər verir ki, bu barədə məşhur idman jurnalisti Fabrizio Romano sosial şəbəkələrdə bildirib.

Romano iddia edir ki, Al Thani Mbappeyə yeni və bir qədər də təkmilləşdirilmiş müqavilə təklif etmək və onu razı salmaq niyyətində deyil.

Mbappenin PSJ ilə hazırkı müqaviləsi 2024-cü ilin yayına qədərdir. 2022-ci ilin mayında media Mbappenin PSJ ilə yeni müqavilə imzaladığını yazmışdı. Eyni zamanda, digər mənbələr futbolçunun artıq “Real Madrid”lə müqaviləni təsdiqlədiyini bildirmişdi.

Lakin İspaniya klubuna səs-küylü transfer heç vaxt baş tutmadı. İspan mediasına görə, ikinci cəhd bu yay uğur qazana bilər.