Arda Güler ​​və Rodriqo üçün Mbappe təhlükəsi

"Real Madrid"in yay transfer pəncərəsində Kilian Mbappeni heyətinə qatacağı təqdirdə milli futbolçu Arda Güler ​​və Rodriqonun komandadan ayrılma ehtimalının yüksək olduğu bildirilib.

BAKU.WS bu barədə xarici mediaya istinadən xəbər verir.

"Real"ın Endrikdən əlavə Kilian Mbappeni komandaya qatacağı təqdirdə Rodriqo və Arda Gülerin əziyyət çəkəcəyi iddia edilir.

"Bernabeu Digital"da yer alan xəbərə görə, "Real Madrid"də gələn il üçün planlamalar başlayıb.

Rəsmi açıqlama olmasa da, Kilian Mbappenin komandaya qoşulacağı təqdirdə balansın dəyişəcəyini hamı bilir.

Bundan əlavə, 9 nömrəli mövqedə çıxış edə biləcək Endrik 2024-cü ilin iyulunda komandaya qoşulacaq.

Bu iki futbolçunun iştirakı ilə Madrid klubunun hücum xəttində dramın yaşanacağı gözlənilir. Yenidən strukturlaşacaq hücum mövqeyində bəzi oyunçuların komandanı tərk etməsi ehtimal olunur.

Bu mövsüm ümidləri doğrulda bilməyən Rodriqo ilə zədələri səbəbindən çox şans qazana bilməyən və fiziki cəhətdən hazır olmadığı düşünülən Arda Gülerin bu dramın qurbanı olacağı gözlənilir.

Rodriqo bu mövsüm bir-iki oyunda çox faydalı olsa da, indiyə qədər qeyri-sabitliyi ilə məyus olub. Arda hələ çox gəncdir və onun bu rəqabətdə şans qazanması çətindir.

Digər tərəfdən "Sport" qəzeti Rodriqonun nə olursa olsun komandada qalacağını, Ardanın isə təcrübəyə ehtiyacı olduğu üçün icarəyə veriləcəyini iddia edib.

Qəzet Mbappe və Endrikin kluba qoşulacağı halda belə belə, komandada çox gedişlər olmayacağını iddia edir.