Qurban Qurbanov püşkatmanın nəticəsindən danışdı
![Qurban Qurbanov püşkatmanın nəticəsindən danışdı](https://baku.ws/storage/photos/thumbs/large/1708711238_111111111.webp)
“Qarabağ” Futbol Klubunun Baş məşqçisi Qurban Qurbanov klubun rəsmi saytına açıqlama verib.
BAKU.WS xəbər verir ki, o, açıqlamasında püşkatmanın nəticəsi barədə danışıb:
“Avropa Liqasının 1/8 final mərhələsinin püşkü maralı nəticə ilə yekunlaşdı. “Qarabağ”a hamının Bundesliqa və avrokuboklardan yaxşı tanıdığı “Bayer” rəqib oldu.
Azarkeşlərimiz bu komandanı qrup mərhələsində canlı görmüşdülər. Yenə bu komanda ilə rəqib olduq. “Bayer” Avropanın ən yaxşı, sabit çıxış edən komandalarından biridir.
Mən bu klubun düşərgəsində oldum, iş prinsipləri ilə maraqlandım. Çox ciddi komanda yaradıblar. İstəkli, uduzmağı xoşlamayan baş məşqçiləri var.
Məncə, maraqlı oyun olacaq. Baxmayaraq ki, güclü rəqibdir. Leverkuzendə Xabi Alonso ilə diskussiyamız, maraqlı fikirlərimiz oldu.
“Bayer”lə görüşlər bizim üçün böyük təcrübədir. Meydana azarkeşlərimiz üçün yaxşı mübarizə aparacaq komanda çıxarmağa çalışacağıq ki, baxımlı futbol oynayaq və yaxşı nəticə əldə edək.
Belə böyük komandaların Bakıya gəlməsi Azərbaycanda futbolun sevilməsi üçün səbəb, hamı üçün böyük təcrübədir".
Oxşar xəbərlər
Qurban Qurbanov: “Bayer”in oyununu pozmağa çalışacağıq”
“Ən azından çalışacağıq ki, azarkeşlərimiz oyundan razı qalsınlar”. Bu sözləri “Qarabağ” klubunun baş məşqçisi Qurban Qurbanov “Bayer”ə qarşı keçiriləcək UEFA A...