Sürücülərin NƏZƏRİNƏ! Qışda avtomobil üçün ən doğru seçimlər

Qış aylarında avtomobil mühərrikinin problemsiz işləməsi üçün motor yağının düzgün seçilməsi xüsusi əhəmiyyət daşıyır. Mütəxəssislər bildirirlər ki, sintetik motor yağları soyuq havada mühərrikin daha rahat işə düşməsini və stabil işləməsini təmin edir.

BAKU.WS xəbər verir ki, ekspertlərin sözlərinə görə, qışda mühərrikin çətin işə düşməsinin əsas səbəblərindən biri uyğun olmayan və soyuqda qatılaşan yağdır. Sintetik yağlar isə aşağı temperaturda belə axıcılığını qoruyur, starterin mühərriki daha asan fırlatmasına kömək edir və hissələri daha yaxşı qoruyur.

Mütəxəssislər qeyd edirlər ki, sintetik yağlar təkcə soyuqda deyil, yüksək temperaturda da stabilliyini saxlayır, mühərrikdə çöküntü və qurumun yaranmasının qarşısını alır və yağın köhnəlmə müddətini uzadır.

Eyni zamanda, qış mövsümündə:

mühərriki hərəkətə başlamazdan əvvəl qızdırmaq,

yağın dəyişmə intervalına əməl etmək, vaxtaşırı daha uzun məsafəli sürüşlər etmək

tövsiyə olunur. Bu, yağın içində yığılan nəm və yanacaq qalıqlarının buxarlanmasına kömək edir.

Avtomobil mütəxəssisləri vurğulayırlar ki, düzgün seçilmiş keyfiyyətli sintetik yağ mühərrikin ömrünü uzadır, qəfil nasazlıqların qarşısını alır və sürücünü qış aylarında əlavə risklərdən qoruyur.