Sabah bu şəhərdə 1000 abonent qazsız qalacaq

Sumqayıt şəhərində 1000 abonentin qaz təchizatında fasilə olacaq.

BAKU.WS "Azəriqaz" İB Sumqayıt QİS-nə istinadən xəbər verir ki, Sumqayıt şəhəri ərazisində yerləşən Qurd dərəsinin bir hissəsində 89 mm-lik qaz xəttində yaranmış sızmaların aradan qaldırılması məqsədilə təmir-bərpa işləri aparılacaq.

Bununla əlaqədar yanvarın 19-da saat 13:00-dan etibarən sözügedən ərazidə yerləşən təqribən 1000 abonentin qaz təchizatı müvəqqəti dayandırılacaq.

Qaz təchizatı təmir işləri başa çatdıqdan sonra bərpa ediləcək.