Nikah və boşanma statistikasına dair yeni RƏQƏMLƏR

Azərbaycanda nikah və boşanma statistikasına dair yeni rəqəmlər açıqlanıb.

BAKU.WS Dövlət Statistika Komitəsinə istinadən xəbər verir ki, Ədliyyə Nazirliyinin rayon (şəhər) qeydiyyat şöbələri tərəfindən cari ilin birinci rübündə 8 203 nikaha daxilolma və 4 614 boşanma halı qeydə alınıb.

Məlumatda bildirilib ki, göstəricilər 2025-ci ilin müvafiq dövrü ilə müqayisədə azalıb. Belə ki, əhalinin hər 1000 nəfərinə düşən nikahların sayı 4.4-dən 3.2-yə enib. Boşanmaların sayı isə 1.9-dan 1.8-ə düşüb.

Qeyd edək ki, statistik göstəricilər Dövlət Statistika Komitəsinin yanvar-aprel aylarında ölkənin iqtisadi və sosial inkişafını əks etdirən hesabatında yer alıb.